फोरमं शनिवाः निसें आन्दोलन याइगु

सरकारं थःपिनिगु माग सम्बोधन मयाःगु धासें मधेशी जनअधिकार फोरमं शनिवाः निसें आन्दोलन न्ह्याकीगु खँ धाःगु दु ।

बिहीवाः सुथय् विराटनगरय् पत्रकारत नाप खँल्हाबंला यानादिसें फोरमया अध्यक्ष उपेन्द्र यादवं पुलांगु सहमति कार्यान्वयन व एक मधेश एक प्रदेशया मागयात कयाः शनिवाः निसें शान्तिपूर्ण आन्दोलन यायेगु कनादिल । वयेकलं सरकारं मधेशया मागयात बेवास्ता याःगु व पृथक धारणा सार्वजनिक या:गुलिं आन्दोलनय् कुहांवयेमाःगु धयादिल ।

वयेकलं न्हापांगु चरणय् दवाबमूलक आन्दोलन स्वरुप आमसभा, कोणसभा व कार्यकर्ता भेला यायेगु धयादिल । वयेकलं न्हापांगु चरणया आन्दोलन सरकारयात अल्टिमेटम बीगू कथं जक जूगु धयादिसें सरकारं अझ मधेशया माग बारे बेवास्ता याःसाः बन्द, हड्ताल थंज्याःगु आन्दोलनया ज्याझ्वः यायेत बाध्य जुइगु धयादिल ।