संवैधानिक परिषदया बैठक स्थगित
येँ (सन्ध्या टाइम्स)/थीथी संवैधानिक निकायय् प्वनाच्वंगु संवैधानिक पदय् पदाधिकारीतय्त नियुक्त यायेगु निंतिं थौं च्वने धाःगु बैठक च्वने मफुत ।
थौंया बैठक च्वनेगु तयारी अन्तिम चरणय् थ्यनेधुंकूगु खःसा प्रमुख प्रतिपक्ष दलया नेता व उपप्रधानमन्त्री सुजाता कोइरालां बैठकय् वये मफइगु सुचं छ्वया हयेवं बैठक स्थगित जूगु खः ।
थौंया बैठकय् निर्वाचन आयोगया आयुक्त, लोकसेवा आयोगया आयुक्त व महालेखा परीक्षकया आयुक्त नियुक्त यायेगु निंतिं च्वनेत्यंगु खः ।
थ्व स्वंगुलिं निकायया प्रमुख पद ताः इलंनिसें प्वनाच्वंगु खः ।
संवैधानिक परिषदया बैठकय् कोरम मगायेवं स्थगित याःगु बैठक थ्वहे वइगु आइतवाः च्वनेगु खँ धाःगु दु ।
