मजदुर व पेट्रोलियम डिलर्सया दथुइ थौं वार्ता
येँ (सन्ध्या टाइम्स)/वंगु न्यान्हु न्ह्यवंनिसें आन्दोलन याना वयाच्वंगु अखिल नेपाल पेट्रोलियम मजदुर युनियन व नेपाल पेट्रोलियम डिलर्स एशोसियसनया दथुइ थौं वार्ताया तयारी जुयाच्वंगु दु ।
गृह मन्त्रालय व श्रम मन्त्रालयया सक्रियताय् थौं २ बजे श्रम मन्त्रालयय् थ्व बैठक च्वनेगु तयारी जुयाच्वंगु खः।
वंगु मंसिर १२ गतेनिसें न्यूनतम तलब कायम जुइमाःगु, दुर्घटना बिमा जुइमाःगु, आदि थीथी माग न्ह्यब्वसें मजदुरतय्सं वंगु सोमवाः निसें आयल निगमया डिपों पेट्रोलियम पदार्थ आपूर्ति यायेगु ज्या ठप्प याना वयाच्वंगु खः ।
मजदुरतय् आन्दोलनया कारणं स्वनिगःया लिसें देय्न्यंकं पेट्रोलियम पदार्थ अभाव जुयाः उपभोक्तात मारय् लानाच्वंगु दु ।
