थौं योमरि पुन्हि व उधौली पर्व

येँ (सन्ध्या टाइम्स)/नेवाःतय्सं दँय्दसं थें हे थौं नं योमरि दयेकाः अन्नयात पूजा यानाः योमरि पुन्हि नखः हनाच्वंगु दु। अन्न नाप स्वापू दुगु नखः कथं नालातःगु थौंया न्हि दछिया दकलय् ताः हाकःगु चा जुइगु अले कन्हय्निसें चा चीहाकः न्हि ताःहाकः जुयावनी धइगु नेवाःतय् मान्यता दु। योमरि पुन्हि कुन्हु नेवाःतय् थीथी खलः पुचःतय्सं त्यःछिंत्यः फ्वनेगु चलन दु। अथे हे थौं नेपाःया मेगु आदिवासी जाति किराँतीतय्सं प्रकृतियात पुजा यानाः उधौली नखः हनाच्वंगु दु। अन्न व प्रकृतिनाप स्वापू दुगु नखः कथं नालातःगु उधौली नखःया झ्वलय् किराँतीतय्सं येँया हात्तिवनय् छगः ल्वहंयात पुजा यानाः थुगु नखः हनेगु याइ ।