विद्यार्थी प्रदर्शनं यातायात जाम
येँ (सन्ध्या टाइम्स)/त्रिविविपाखें याःगु शुल्क वृद्धि विरुद्ध थौं झिंस्वंगू विद्यार्थी संगठनतय्सं याःगु प्रदर्शनं यानाः येँदेय्या यातायात अस्तव्यस्त जूगु दु। थौं विद्यार्थीतय्सं भृकुटीमण्डपं छगू र्याली पिकयाः देय् चाःहिलेगु ज्याझ्वः दयेकूगु खः। तःधंगु हे र्याली पिकायेगु ताः तयाः थौं राजधानी पिनें नं मनू येँय् सःतेगु ज्या याःगु खः ।
उखे थ्वहे आन्दोलनया झ्वलय् थौं त्रिविया पदाधिकारी विरुद्ध कार्टुन ब्वज्या नं याःगु दु। त्रिवि पदाधिकारीतय्त व्यंग यानाः उगु कार्टुन ब्वज्या याःगु खः ।
