छत्रपाटी अस्पतालया बार्षिक उत्सव

येँ (सन्ध्या टाइम्स)/छत्रपाटी निःशुल्क चिकित्सालय ५४ दँ क्यंगु लसताय् म्हिगः छगू ज्याझ्वः जुल। अस्पतालया नायः विजयबहादुर मालीया सभापतित्वय् जूगु ज्याझ्वलय् थुगु आर्थिक दँया निंतिं १,८९,४८,८५० तकाया बजेट पारित यात। छ्यान्जे भाजु महेश्वर जुजु अले दां भरिं भाजु शंकरराज जोशीं आर्थिक प्रतिवेदन व लेखा प्रतिवेदन न्ह्यब्वल।
अस्पतालं थ्व दँय् ७१२२४ म्ह बिरामीतय् सेवा याःगु दु। गुकी १,८७६ म्ह स्वयां अप्वःसित २,३१,४०० दांया निःशुल्क सेवा बिउगु खः ।