संविधान च्वयेमबीगु कुतः जुयाच्वंगु दु : प्रचण्ड

एनेकपा (माओवादी)या अध्यक्ष पुष्पकमल दाहाल 'प्रचण्डं' संविधान च्वयेमबीगु कुतः जुयाच्वंगु खँ धयादीगु दु ।

येँ चम्पादेवीलय् जूगु छगू ज्याझ्वलय् न्ववानादिसें वयेकलं संविधान च्वये मबीगु षड्यन्त्र पाखें दक्वं सचेत जुइमाः धयादिल । वयेकलं न्ह्याक्वः हे षड्यन्त्र जुसां थःपिंसं जन चाहना कथं न्हूगु संविधान च्वयां तुं त्वतेगु दाबी यानादिल ।

वयेकलं मेगू दलत दुने विवादया कारणं उच्चस्तरिय राजनीतिक संयन्त्र गठन जुइमफुगु द्वपं बियादिल । वयेकलं कांग्रेस व एमालेया छुं नेतातय्सं अज्याःगु संयन्त्रया छुं औचित्य मदुगु व उकीयात गैरसंवैधानिक जुइगु धासें विरोध यानाच्वंगु प्रति आपत्ति प्वंकादिल ।

अथेहे वयेकलं वर्तमान सरकार याकनं परिवर्तन जुइगु व माओवादी नेतृत्वया मंकाः सहमतिया सरकार निर्माण जुइगु दाबी यानादिल ।