अयोग्य लडाकुयात माओवादीं हे शिविरं लिकाइगु

एनेकपा (माओवादी) सेनाया डेपुटी कमाण्डर चन्द्रप्रकाश खनाल 'वलदेवं' अयोग्य लडाकुयात छुं ईया दुने शिविरं लिकायेगु खँ धयादीगु दु ।

संस्कृतिकर्मी जनसेना मितेरीं मंगलवाः येँ याःगु पत्रकार सम्मेलनय् न्ववानादिसें वयेकलं प्याकेजय् पुनस्थापना यायेगु विषयलय् सरकार नाप सहमति मजुइवं माओवादीं एकतार्फी रुपं लडाकुत शिविरं लिकायेकु तयारी यानाच्वंगु धयादिल । शिविरं अयोग्य लडाकुयात पिने लिकायेधुंकाः उमिसं पार्टी कार्यकर्ताया कथं ज्या याइगु धयादिल ।

वयेकलं सरकार शान्ति प्रकृया स्यंकेगु पाखे न्ह्या: वनाच्वंगु द्वपं बियादिसें रक्षामन्त्री विद्या भण्डारीया अभिव्यक्तिं शान्ति प्रकृयायात झन जटिलता पाखे यंकीगु बिचाः प्वंकादिल ।