माओवादीयात सहमतिइ वयेत एमालेया इनाप
नेकपा (एमालें) संवाद व सहमतियात हेपय् यानाः आन्दोलनय् केन्द्रीत जुगु धासें एकीकृत नेकपा (माओवादी)या कुख्युंगु दु ।
सोमवा: च्वंगु एमालेया पोलिटब्यूरो बैठकय् ब्वति का:पिं दुजतय्सं माओवादीयात सहमतिइ वयेत इनाप समेत याःगु दु । पोलिटब्यूरो दुजःतय्सं सरकारया कामकारबाहीयात थप प्रभावकारी दयेकेत प्रधानमन्त्री व सरकारय् ब्वति दुगु पार्टीया मन्त्रीतय्त इनाप समेत या:गु खँ एमाले नेता प्रदीप ज्ञवालीं जानकारी बियादिल । नेता ज्ञवालीया कथं बैठकय् थौं गुम्ह दुजतय्सं जक थःगु बिचाः तःगु दु ।
छवाः न्ह्यःनिसें नायः खनालया प्रतिवेदनय् केन्द्रीत दुगु एमाले पोलिटब्यूरो बैठक कन्हय् नं न्ह्याइ । नायः खनालं राष्ट्रिय सहमतिया निंतिं मालधाःसा सरकार त्वतेत एमाले तयार जुइमागु थःगु प्रतिवेदनय् प्रस्ताव यायेवं दुजत दथुइ तीव्र ब्वलंगु ख: । स्रोतया कथं महत्वपूर्ण बुँदात परिवर्तन सहित नायःया प्रतिवेदन पारीत जुइगु सम्भावना दु ।
