मधेसवादी दलतय्सं संघीय राज्यस नं प्रादेशिक संविधानया माग
मधेसवादी दलतय्सं संघीय राज्यसं नं प्रादेशिक संविधानया माग याःगु दु । संवैधानिक समितिया थौं सिंहदरबारय् च्वंगु बैठकय् नेपाल सद्भावना पार्टी आनन्दीदेवी लगायतया मधेसवादी दलतय्सं ब्यागलं प्रादेशिक संविधानया माग याःगु खः । नेपाःया संविधान मूल कानून जुइगु धइगु वाक्यांशय् मधेसवादी दलतय्गु असहमति दु ।
बैठकय् न्हूगु संविधानया नांया बिषयलय् दलतय्सं फरक-फरक प्रस्ताब यायेवं ठोस निर्णय जुइमफुत एकीकृत नेकपा (माओवादीं॒ न्हुगु संविधानया नां 'जनताया संघीय गणतन्त्र' तयेत प्रस्ताव याःगु दुसा नेपाली काङ्ग्रेसं 'संघीय लोकतान्त्रिक गणतन्त्र' तयेमाःगु अडान तःगु दु । संवैधानिक समितिया दुजः व नेपाली काङ्ग्रेसया महामन्त्री विमलेन्द्र निधिं माओवादीया प्रस्ताव छगु दलीय जुगु द्धपं बियादिल ।
समितिया बैठकं मंसिर २० गतेदुने मस्यौदा तयार यायेधुंकीगु कार्यसूची तयार याःगु दु । समितिया सभापति निलाम्बर आचार्यं सचिवलयं तयार याःगु सहमतिया प्रस्तावय् थौंनिसें सहलह न्ह्यागु जानकारी बियादीगु खः । न्हुगु संविधानया नां प्रस्तावना राष्ट्रिय ध्वाँय् व प्रतिकलगायत छगु दर्जन अप्व विषयलय् समितिइ मतभेद दु ।
