थौं जनजातिया मसाल जुलुस
येँ (सन्ध्या टाइम्स)/ आदिवासी जनजाति वृहत् संयुक्त मोर्चाया ग्वसालय् नेपाःया आदिवासी जनजातितय्सं थौं येँय् मसाल जुलुस पिकाइगु जूगु दु ।
आत्मनिर्णय नापं जातीय स्वायत्तता व स्वशासनया माग यानाः संविधानसभायात खबरदारी यायेगु कथं थौं येँया शंकरदेव क्याम्पस न्ह्यःनें सनिलया ५ ताः इलय् मसाल जुलुस पिकाइगु ज्याझ्वः दुगु खँ मोर्चाया छ्याञ्जे कुमार योञ्जनं 'सन्ध्या टाइम्स' यात कनादिल। नेवाः स्वायत्त राज्य मंकाः संघर्ष समिति, किराँत खुम्बुवान संयुक्त संघर्ष समिति, ताम्सालिङ संयुक्त संघर्ष समिति, मगरात, गुरुङ, थारु यानाः खुगू जातिया संयुक्त मोर्चा छथासं च्वनाः दयेकूगु उगु वृहत् मोर्चां थौं हे संविधानसभाया नायः सुवास नेम्वाङयात ज्ञापनपत्र लःल्हायेगु ज्याझ्वः नं तयातःगु दु।
उगु हे कथं उगु मोर्चां कन्हय् न्हू वानेश्वरया संविधानसभा भवन न्ह्यःने न्हिनय् ११ बजेनिसें २ बजे तक धर्ना बीगु ज्याझ्वः नं तयातःगु खँ भाजु तामाङं कनादिल। वय्कलं थ्व न्हापांगु चरण धुंकाः निगूगु चरणय् अझ प्रभावकारी संघर्ष यायेगु जुइ धकाः नं धयादीगु दु ।
