सक्वय् नं मंकाः संघर्ष समिति
सक्व (सन्ध्या टाइम्स)/ नेवाः स्वायत्त राज्यया निंतिं माःगु कथंया संघर्ष यायेत सक्वय् नं नेवाःतय् मंकाः संघर्ष समिति नीस्वंगु दु। वंगु शनिवाः समाजसेवी विश्वेश्वरदास श्रेष्ठया नायःसुइ जूगु मुँज्यां दानबहादुर श्रेष्ठया अध्यक्षताय् १७ म्ह दुजः दुगु नेवाः स्वायत्त राज्य मंकाः संघर्ष समिति सक्व लागा स्वंगु दु। उगु समितिं थ्वहे वइगु पुस ११ गते नेवाः स्वायत्त राज्य घोषणा ज्याझ्वः ताःलाकेत माःगु कथंया भूमिका म्हिती ।
मुँज्याय् नेवाः स्वायत्त राज्य मंकाः संघर्ष समितिया दुजःपिं डा. महेशमान श्रेष्ठ, विरेन्द्र भक्त श्रेष्ठ व हिरण्यमान मानन्धरपिं झाःगु खः ।
उखे पुस ११ या ज्याझ्वः ताःलाकेत थौं सुथय् थिमिइ नं नेवाः स्वायत्त राज्य मंकाः संघर्ष समितिया मुँज्या च्वन ।
