सगरमाथाय् १५ मिनेट जक बैठक
येँ (सन्ध्या टाइम्स)/चर्चाय् वयाच्वंगु मन्त्रिपरिषद्या बैठक थ्वहे वइगु शुक्रवाः सगरमाथाया बेस क्याम्पय् च्वनीगु जूगु दु। बैठक बारे लांलां तयारी जुयाच्वंगु खःसां उगु बैठक धाःसा मुक्कं १५ मिनेट जक ताःहाकः जुइगु खँ सीदुगु दु ।
सगरमाथाया कालापत्थर प्लेटु धाःथाय् च्वंगु चौरय् च्वनीगु उगु बैठकं वातावरणय् वयाच्वंगु हिउपाः सम्बन्धी मुक्कं छगू प्रस्ताव पारित याइ ।
