थपाआजुया लुमन्तिइ बिचाः मुँज्या
यल (सन्ध्या टाइम्स)/यम्पि महाविहारया थपाआजु बाबुकाजी ब्रम्हचर्य भिक्षु मदुगु दुःखय् वंगु शनिवाः यलय् बिचाः मुँज्या जुल। भिक्षु भद्दिय स्थवीरपाखें पंचशील प्रार्थना यानाः न्ह्याःगु उगु ज्याझ्वलय् यम्पि महाविहार सुधार समितिया अध्यक्ष तन्त्रमुनी शाक्यं लसकुस यासें थपाआजु शाक्यं महाविहारया संरक्षण, विकास व पुनः निर्माणया निंतिं यानादीगु योगदानया बारे न्ह्यथनादिल ।
महाविहारया उपाध्यक्ष पुष्परत्न शाक्य, पुलांम्ह अध्यक्ष शान्तमान शाक्य व समाजसेवी लोक बहादुर शाक्यंपिसं थपाआजु शाक्यया बारे थःथःगु नुगःखँ प्वंकादिल। आजु बाबुकाजीया सभापतित्वय् ज्याझ्वः जूगु खः ।
