नेवाः राज्यया समर्थनय् पिने जिल्लाय् सभा
येँ (सन्ध्या टाइम्स)/ नेवाः स्वायत्त राज्य मंकाः संघर्ष समितिं वइगु पुस ११ गते यायेत्यंगु नेवाः स्वायत्त राज्य घोषणा ज्याझ्वःयात लसकुस यायेगु कथं त्रिशुली व हेटौंडाया नेवाःतय्सं थःथःपिनि लागाय् ऐक्यबद्धता सभा याइगु जूगु दु।
त्रिशुलीइ क्रियाशील जुयाच्वंगु नेवाः खलः पुचःया प्रतिनिधितय् दथुइ म्हिगः जूगु सहलह मुँज्यां वइगु ११ गते त्रिशुलीइ ज्याझ्वः यायेगु क्वःछिउगु खः। नेवाः देय् दबूया नायः नरेश ताम्रकारं मू पाहां कथं ब्वति कयादीगु उगु मुँज्याया क्वःछिना कथं बटार पासा पुचःया संयोजनय् अन क्रियाशील जुयाच्वंगु नेवाः खलः पुचःत जानाः उगु सभा यायेत्यंगु खः। नेवाः स्वायत्त राज्य घोषणायात लसकुस याये कथं जुइगु उगु सभाया तयारीया झ्वलय् अनया नेवाः खलः पुचःतय्सं थीथी कथंया मुँज्या यासें माःगु कथंया प्रचार प्रसार तकं न्ह्याका यंकीगु खँ धाःगु दु ।
अथे हे हेटौंडाय् नं क्रियाशील जुयाच्वंगु नेवाः देय् दबूनाप आवद्ध नेवाः खलः पुचःतय्सं नेवाः राज्य घोषणा याइगु ज्याझ्वःयात लसकुस यासें उकुन्हु हे छगू सभा याइगु जूगु दु।
येँय् नेवाः स्वायत्त राज्य घोषणा जुइ कुन्हु पिने जिल्लाया नेवाःतय्सं दिपावली याइगु ग्वसाः दु ।
