नारायण द्यः व सिंह खुयायन

ख्वप नपा १७ वडाय् लाःगु इनागालय् वंगु चान्हय् छम्ह नारायण द्यःया मूर्ति नापं उकिया लिक्क च्वंगु सिंहया मूर्ति खुया यंकूगु दु । मत सिनाच्वंगु पाः लाकाः उगु मूर्तित खुया यंकूगु खः । निम्ह स्वम्हेस्यां तकं संके मफइगु उगु सिंहया मूर्ति क्रेन वा गाडी छ्यलाः यंकूगु जुइमाः धकाः अनुमान याःगु दु । अथे हे भक्तपुर क्याम्पस वनेगु लँया लिक्क च्वंगु वंगलसिमां त्वपुयाच्वंगु ल्वहं देगः दुने च्वंगु पुलांगु कलात्मक नारायण द्यःया मूर्ति नं खुया यंकूगु दु । वनं मत सिनाच्वंगु इलय् हे यंकूगु अनुमान दु । लोडशेडिङया इलय् ख्वपया थीथी थासय् खुँतय्सं दुःख बियाच्वंगु दु ।