कांग्रेस केन्द्रीय कार्यसमितिया बैठक स्थगित

संवैधानिक परिषदया बैठक नं स्थगित

संशोधित विधान व राज्य पुनसंरचनाया प्रस्तावयात अन्तिम रुप बीत आइतवाः च्वनीगु धाःगु नेपाली कांग्रेस केन्द्रीय कार्यसमितिया बैठक स्थगित जूगु दु ।

आइतवाः मुस्लिम धर्मालम्बीतय् नखः ईद जूगुलिं नेतात येँ नं पिने जूगुलिं बैठक स्थगित यायेमाःगु खँ कांग्रेसं धाःगु दु । कांग्रेसं थौं छगू विज्ञप्ति पिथनाः कार्यवहाक सभापति सुशील कोइराला नापं नेतात येँ पिने वनांच्वंगु व ईद जूगुलिं मंगलवाः तकया निंतिं बैठक स्थगित याःगु खँ धाःगु दु ।

अथेहे थीथी संवैधानिक निकायलय् खाली दुगु पदय् नियुक्तिया निंतिं आइतवाः च्वनीगु धाःगु संवैधानिक परिषदया बैठक नं स्थगित जूगु दु । आन्तरिक कारणं बैठक स्थगित यायेमाःगु व मेगू बैठक सोमवाः च्वनीगु खँ परिषदया छम्ह दुजःलं कनादिल ।