'स्वायत्त गणराज्य घोषणा यायेगु ज्याझ्वः लितकायेगु खँ जुइमखु'

एनेकपा (माओवादी) स्थायी समिति दुजः नेत्रविक्रम चन्दं छुं नं अवस्थाय् स्वायत्त गणराज्य घोषणा यायेगु ज्याझ्वः लितमाकेगु खँ धयादीगु दु ।

माओवादीं पाखे गठित जनआन्दोलन समिति नेपालया महासचिव नं जुयादिम्ह चन्दं आइतवाः सुथय् बुटवलय् जूगु पत्रकार सम्मेलनय् न्ववानादिसें निगू चरणया आन्दोलनय् थें गणराज्य घोषणा यायेगु ज्याझ्वः लितमकायेगु धयादिल । वयेकलं न्ह्याक्वः हे दबाव वसां स्वंगूगु चरणया आन्दोलनय् थुकीयात कार्यान्वयन यानांतुं त्वतेगु दाबी यानादिल ।

अथेहे ज्याझ्वलय् वयेकलं माओवादी नेतृत्व बाहेक मेगू अवस्थाय् राष्ट्रिय सरकार गठन जुइमफइगु धयादिसें माओवादीं यायेत्यंगु आमहड्ताल स्वयां न्ह्यः हे माओवादी नेतृत्वय् राष्ट्रिय सरकार गठन जुइगु दाबी यानादिल ।