कोइराला व ओली दथुइ खँल्हाबंला
नेपाली कांग्रेसया सभापति गिरिजाप्रसाद कोइराला व नेकपा (एमाले)या वरिष्ठ नेता केपी शर्मा ओली दथुइ समसामियक विषयलय् खँल्हाबंला जूगु दु ।
शनिवाः कोइराला निवास महाराजगंजय् जूगु खँल्हाबंलाय् वर्तमान राजनीतिक गतिरोधया बारे सहलह जूगु खः । उगु ईलय् सभापति कोइरालां राजनीतिक सहमति जुयाः वर्तमान गतिरोध याकनं ज्यनीगु विश्वास प्वंकादीगु खँ नेता ओलीं कनादिल ।
अथेहे उगु ईलय् निम्ह नेतातय् दथुइ उच्चस्तरीय राजनीतिक संयन्त्र निर्माणया बारे नं सहलह जूगु खः । नापं खँल्हाबंलाय् एमाले नेता ओलीं सिंगापुरय् भारतीय नेतातय् मध्यस्तकर्ताय् कोइराला व माओवादी अध्यक्ष पुष्पकमल दाहाल 'प्रचण्ड'या दथुइ गोप्य सहमति जूगु बारे च्यूताः प्वंदीगु खःसा लिसलय् कोइरालां अज्याःगु छुं नं सहमति मजूगु स्पष्ट यानादिसें राजनीतिक संयन्त्र गठन यायेगु बारे जक खँल्हाबंला जूगु धयादिल ।
