वीरगंजय् श्रीपेच स्तम्भ स्यंकेगु विवाद
वीरगंज उद्योग वाणिज्य संघया लागा दुने च्वंगु श्रीपेच स्तम्भ स्यंकेगु विषयय् जुयाच्वंगु विवाद ज्यंकेत जूगु वार्ता नं असफल जूगु दु । म्हिगः युथ बिग्रेड अफ सोसलिस्ट व वीरगंज उद्योग वाणिज्य संघ दथुइ उगु श्रीपेच स्तम्भ स्यंकेगु खँयात कयाः वार्ता जूगु खः । वार्ताय् संघया निवर्तमान अध्यक्ष विजय सरावगी सचिव नरेश रुङ्गटा वसोसलिस्टया कार्यकर्तातय्सं ब्वति काःगु दु ।
निवर्तमान अध्यक्ष सरावगीं संघया अधिवेशनय् उगु स्तम्भ स्यंकेगु प्रतिवद्धता प्वंकुसें उकिया निंतिं स्वलाया ई फ्वंगु खःसा सोसलिस्टया कार्यकर्तातय्सं धाःसा तुरुन्त हे स्तम्भ स्यंकेमाःगु अडान कायेवं वार्ता असफल जूगु खः । सोसलिस्टया कार्यकर्तातय्सं उगु स्तम्भ स्यंकेमाःगु माग यासें वीरगंज उवासंघय् छुं न्हि न्ह्यः तालं ग्वया बिउगु खः ।
