नेवाः भूमिका बारे गोष्ठी

येँ (सन्ध्या टाइम्स)/भविष्यय् गठन जुइगु नेवाः राज्यय् नेवाःतय्गु भूमिका छु जुइ धइगु बारे लिच्वः पिकायेत नेपाः राष्ट्रिय पार्टीं कन्हय् थन छगू गोष्ठी यायेत्यंगु दु। ज्याझ्वलय् नेवाः राज्यया आर्थिक, सामाजिक, सांस्कृतिक नीति नापं नेवाःतय् दथुइ वयाच्वंगु सामाजिक रुपान्तरणया विषयय् श्रोत व्यक्तिपिं डा. पुष्पा श्रेष्ठ, मोहनदास मानन्धर, जुलिया चित्रकार व लजना मानन्धरपिंसं ज्यापौ न्ह्यब्वयादी ।