कन्सर्नया कासा न्ह्यात
येँ (सन्ध्या टाइम्स)/संयुक्त राष्ट्र संघया बालअधिकार महासन्धिइ नेपालं हस्ताक्षर याःगु नीदँ क्यंगु व न्हूदँ ११३० या लसताय् कन्सर्न नेपालं हनुमान ध्वाखाय् 'शान्ति, समृद्धि न्हूगु नेपाःया आज्जु' विषयय् याःगु मचा किपा च्वज्या व न्वचु कासा न्ह्यात। नेपाः राष्ट्रिय पार्टीया अध्यक्ष डा. केशवमान शाक्यं उगु कासाया उलेज्या यानादीगु खः। कन्सर्न नेपालया अध्यक्ष विजय सैंजुया सभापतित्वय् जूगु उगु कासाय् निगुलिं विषयय् पीगू स्कूलया निसः स्वयां अप्वः मस्ततय्सं ब्वति कयाच्वंगु दु ।
