आक्रमण विरुद्ध पाल्पा बन्द
नेपाली कांग्रेसया जिल्ला सभापति राजनप्रसाद पन्तयात म्हिगः अखिल क्रान्तिकारीया कार्यकर्तातय्सं दाःगु विरोधय् थौं नेपाली कांग्रेसं पाल्पा बन्द यात । म्हिगः पाल्पाया त्रिभुवन बहुमुखी क्याम्पसय् च्वयातःगु नारा हुइगु विषयय् जूगु विवाद लिपा क्रान्तिकारी कार्यकर्तां पन्तयात दाःगु खः ।
बन्दया झ्वलय् अन थौं सुथय् निगू पुचःया दथुइ ल्वापु जूगु दुसा उकी लानाः छुं कार्यकर्ता घाःपाः नं जूगु खँ धाःगु दु ।
