वर्तमान सरकारया विकल्प मदु : कोइराला
नेपाली कांग्रेसया कार्यवहाक सभापति सुशिल कोइरालां वर्तमान सरकार विकल्प मदुगु खँ धयादीगु दु ।
नेपाल स्वास्थ्यकर्मी संघ बाँकेया निक्वःगु क्षेत्रिय अधिवेशनया उल्लेज्या यायेत नेपालगञ्ज थ्यंकादिम्ह कोइरालां विमानस्थलय् हे प्रेस युनियनं याःगु पत्रकार सम्मेलनय् न्ववानादिसें सरकार हिलेगु खःसा बहुमत हयाः संवैधानिक प्रकृयां न्ह्यावनेत माओवादीयात हाथ्या बियादिल । वयेकलं विधिसम्वत ढंगं माओवादीं सरकार गठन याःसा कांग्रेसयात स्वीकार्य जुइगु धयादिल ।
वयेकलं राजनीतिक गतिरोध अन्त्यया निंतिं सहमति व सहकार्यया विकल्प मदुगु धयादिसें नागरिक सर्वोच्चताया नांमय् सहमतिया लँपू पाखें सुंनं बिस्यूवनेमफइगु धयादिल । वयेकलं राष्ट्रपतियात आक्षेप लगे यानाः कांग्रेसं सहमति यायेमफइगु स्पष्ट यानादिल । वयेकलं राष्ट्रपतिं प्रधानसेनापतियात थमौति बियाः देय् दुर्घटना जुइगु पाखे बचे याःगु नं धयादिल ।
कोइरालां आपसी सहमितं जक देय् न्ह्यावनेफइगु धयादिसें माओवादीं स्वायत्त गणराज्य घोषणा यायेगु निर्णय यानाः गैरजिम्मेवार जूगु टिप्पणी यानादिल ।
