शुल्क बारे प्रमया सुझाव विद्यार्थीपाखें अस्वीकार
येँ (सन्ध्या टाइम्स)/ त्रिविविं शैक्षिक शुल्क थकाःगु विरोधय् आन्दोलन याना वयाच्वंपिं विद्यार्थी संगठनतय्सं थौं प्रधानमन्त्री माधव नेपालयात नापलानाः ज्ञापनपत्र लःल्हात।
विद्यार्थीतय्सं बिउगु ज्ञापनपत्र लःल्हाना कासें प्रम नेपालं विद्यार्थी शुल्क वृद्धि यायेमाःगु खःसां त्रिविं वृद्धि याःगु धाःसा पाय्छि मजूगु बिचाः प्वंकादीगु खः ।
विद्यार्थी प्रतिनिधित लिसे खँ ल्हायेगु झ्वलय् प्रम नेपालं विद्यार्थीया माग व त्रिविया वृद्धि याःगु शुल्कया दथुइ मध्यमार्गी लँपु नालाः समस्या ज्यंकेमाःगु बिचाः प्वंकादीगु खःसा विद्यार्थीतय्सं धाःसा उकियात अस्वीकार याःगु दु।
अथे हे प्रम नेपालं समस्या ज्यंकेत छुं ई बीत नं विद्यार्थीतय्त इनाप याःगु खःसा उकियात नं विद्यार्थीतय्सं अस्वीकार याःगु खः ।
त्रिविं झिदुगं विद्यार्थी शुल्क अप्वयेकेवं विद्यार्थीतय्सं आन्दोलन न्ह्याकूगु दुसा उखे त्रिविं विद्यार्थी शुल्क वृद्धि मयायेगु खःसा थःपिं ताथ जुइगु खँ धयाच्वंगु दु ।
