गढीमाईलय् नं हाकुगु ध्वाँय्
येँ (सन्ध्या टाइम्स)/बाराया गढीमाई मेलाय् द्यः दर्शन यायेत वंपिं उपप्रधानमन्त्री विजय गच्छदार व मेपिं निम्ह मन्त्रीत माओवादीतय्सं हाकुगु ध्वाँय् क्यंगुलिं द्यः हे दर्शन मयासे अथें लिहां वःगु दु। उपप्रम गच्छदार नापं मन्त्रीत सरदसिंह भण्डारी व कलावती पासवान थौं उखे वंगु खःसा देगलय् दुहां वने न्ह्यः हे माओवादी कार्यकर्तातय्सं हाकुगु ध्वाँय् क्यनेवं अन प्रहरीलिसे ल्वापु जूगु खः। प्रहरी व माओवादी कार्यकर्ता ल्वापु जुयाः स्थिति तनावपूर्ण जुइवं उपप्रम लगायत फुक्कं मन्त्रीत येँय् लिहां वःगु खः ।
