माओवादी नेताया हालत
ख्वप (सन्ध्या टाइम्स)/ माओवादीं न्ह्यागुं यायेफु धाइ तर थनया छम्ह माओवादी नेता धाःसा थःत ठक्कर नका थकूम्ह ट्याक्सी ड्राइभर छम्हेसित ज्वने मफयाः वंगु छवाःनिसें छटपट जुयाच्वंगु दु। ख्वप जिल्ला ५ नम्बर इकाईया इन्चार्ज ज्ञानेन्द्रमान श्रेष्ठयात वंगु वालय् मीन भवनय् बा. १ ज ४१८४ नम्बरया ट्याक्सीं ठक्कर नका थकूगु जुयाच्वन। मोटर साइकलं वयाच्वंम्ह वय्कःयात न्हिनय् हे ठक्कर नकाः ट्याक्सी बिसिउँ वन तर प्रहरीं आः तकं वयात ज्वने धाःसा फुगु मखुनि। भाजु श्रेष्ठ आः छेँय् च्वनाः वासः याका च्वनादीगु दु ।
