बाँकेया सम्पूर्ण शिक्षण संस्था बन्द
येँ (सन्ध्या टाइम्स)/एकीकृत माओवादी समर्थित शैक्षिक गणतान्त्रिक मञ्चं थीथी माग न्ह्यब्वसें थनिनिसें बाँकेया फुक्कं शिक्षण संस्था बन्द याना बिउगु दु। शिक्षकतय् दरबन्दी मिले यायेमाःगु, कार्तिक महिनाय् मेगु शिक्षक संगठन व सरकार दथुइ जूगु सहमति खारेज यायेमाःगु लगायतया माग न्ह्यब्वसें मञ्चं शिक्षण संस्था बन्द याःगु खः
।
अथे हे मञ्चं निन्हु तक जिल्ला शिक्षा ज्याकुथी धर्ना बीगु ज्याझ्वः नं तयातःगु दु। थःपिनि आन्दोलनयात इलय् संवोधन मयात धाःसा थप आन्दोलन यायेगु ख्याच्वः नं मञ्चं बिउगु दु ।
