'राष्ट्रपतिया पलाः असंवैधानिक धाये सरकारवादी पार्टीत ग्याः'
एकीकृत नेकपा (माओवादी)या अध्यक्ष पुष्पकमल दाहाल 'प्रचण्डं' सत्ताच्यू जुइगु ग्याचीकूं सरकारवादी पार्टीतय्स राष्ट्रपतिया लपाः असंवैधानिक धाये ग्याःगु द्वपं बियादीगु दु । वयेकलं सही दृष्टिकोण व विचा: सरकारवादी पार्टीतय्सं आत्मसात याये मफुगुलिं राजनीतिक गतिरोध अन्त्य जुइमफुगु धयादिल ।
बिहीवाः रेडियो कान्तिपुर नाप विशेष अर्न्तवार्त बियादिसें वयेकलं सरकारवादी पार्टीतय्त राष्ट्रपतिया पलाः असंवैधानिक खः धका लगेजूगु तर उकीयात स्वीकार याःसा सरकार क्वदलीगुलिं सत्तारुढ दलत ग्यानाच्वंगु धयादिल । वयेकलं माओवादीया प्राथमिकता सरकार मजूगु दाबी यानादिसें अन्तरिम संविधानयात ट्रयाकय् हयेगु हे थःपिनिगु प्राथमिकता जूगु धयादिल ।
सिंगापुरय् कांग्रेस सभापति गिरिजाप्रसाद कोइराला नाप सरकारया बारे खँल्हाबंला मजूगु धयादिसें राष्ट्रपतिया पलाःया बारे मध्यमार्गी लँपू पाखें सहमति मालेगु व राजनीतिक संयन्त्रया बारे खँल्हाबंला जुगु कनादिल ।
