सन् २०१० मिसा हिंसा विरुद्धया दँ घोषणा
विश्व मिसा हिंसा विरुद्धया दिवसया लसताय् नेपाः सरकारं सन् २०१०यात मिसा हिंसा विरुद्धया दँ घोषणा याःगु दु ।
बुधवाः मिसा हिंसा विरुद्धया कार्ययोजना पेश यायेत सरकारं ग्वसाःग्वःगु छगू ज्याझ्वलय् प्रधानमन्त्री माधवकुमार नेपालं सन् २०१०या मिसा हिसां विरुद्धया दँ घोषणा यानादीगु खः । वयेकलं सन् २०१० दच्छि हे मिसा हिंसा विरुद्ध विशेष अभियान न्ह्याकीगु धयादिल । वयेलकं मिसा हिंसा मानव अधिकारया जघन्य अपराध जूगु धयादिसें सरकारं अज्याःगु ज्या याइपिंत कारवाही यायेगु प्रतिबद्धता प्वंकादिल ।
ज्याझ्वलय् प्रधानमन्त्री नेपालं झिंगुंगू बुँदे कार्ययोजना पेश यानादीगु खः ।
थौं नं निसें हे मिसा हिंसा विरुद्ध झिंखुनहुया विश्व अभियान न्ह्याःगु दु । सन् १९९१ निसें सुरु जूगु थ्व अभियान थुगसी नेपालय् अछामय् मिसा प्रहरीयात बलात्कार याःपिंत कारवाहीया माग यासें थीथी ज्याझ्वः यानाः न्ह्याकीगु खँ मिसा अधिकारवादीतय्सं धाःगु दु ।
