'प्रतिगामी व यथास्थितिवादीत दथुइ संघर्ष'
एकीकृत नेकपा (माओवादी)या उपाध्यक्ष डा. बाबुराम भट्टराईं संविधानसभा पाखं जनताया पक्षय् संविधान निर्माण यायेत संसदवादी दल व प्रतिगामी यथास्थितिवादी शक्तित दथुइ संघर्ष जुयाच्वंगु खँ धयादीगु दु ।
अनेरास्ववियू (क्रान्तिकारीं) बुधवाः येँ ग्वसाःग्वःगु न्वचू व निबन्ध धेंधेंबल्लाय् त्यापिंत सिरपा लःल्हानादिसें वयेकलं न्ह्यागु यानाः जुसां जनपक्षीय संविधान निर्माण यायेगु ज्या पाखें माओवादी ल्युने मवनीगु धयादिल । वयेकलं उकीया निंतिं हानं न्ह्याक्व: हे तःधंगु बलिदान बीत नं थःपिं तयार जूगु धयादिल ।
वयेकलं संविधानसभां जनपक्षिय् संविधान निर्माण जुइत्यंगुलिं यथास्थितिवादीतय्सं संविधानसभायात बेकम्मा देयेकाः विस्तारं विघटन यायेगु षड्यन्त्र यानाच्वंगु दाबी यानादिल । वयेकलं थंज्याःगु षड्यन्त्रयात माओवादीं छुं नं हालनं सफल जुइ मबीगु दाबी यानादिल ।
