गिरिजा-खनाल नापलात
येँ (सन्ध्या टाइम्स)/ नेपाली कांग्रेसया सभापति गिरिजाप्रसाद कोइराला व एमाले अध्यक्ष झलनाथ खनाल दथुइ थौं सुथय् सहलह जुल ।
कोइरालाया छेँय् जूगु उगु नापलायेगु ज्याय् वय्कःपिनि दथुइ उच्च राजनीतिक संयन्त्र गठन, राजनीतिक गतिरोध चीकेत मंकाः संकल्प प्रस्ताव, माओवादी आन्दोलन दिकेगु बारे सहलह जूगु खः ।
अथे हे माओवादी अध्यक्ष प्रचण्ड व नेकां सभापति कोइराला दथुइ नं थौं सहलह जूगु दु। वय्कःपिनि दथुइ सरकारया समिक्षा, माओवादी आन्दोलन, उच्चस्तरीय राजनीतिक संयन्त्र बारे सहलह ब्याकूगु खः ।
सरकारं पेश याःगु बजेटयात माओवादीं पारित याके बीधुंकाः राजनीतिक निकास पिकायेगुपाखे पलाः न्ह्याकेत शीर्ष नेतातय् दथुइ थवंथवय् थ्व सहलहया ज्या न्ह्यानाच्वंगु खः ।
