काठमाडौं लेडी जेसीजया स्वीछक्वःगु तःमुँज्या
येँ (सन्ध्या टाइम्स)/काठमाडौं लेडी जेसीजया स्वीछक्वःगु तःमुँज्या व झिंन्याक्वःगु शाखा अधिवेशन मंसीर ६ व ७ गते क्वचाल। न्हापांगु दिं मंसीर ६ गते पिपल्स प्लाजा खिचापुखुली संस्थाया संस्थापक अध्यक्ष दिनेश शर्मां उलेज्या यानादीगु उगु तःमुँज्याय् दच्छिया कार्यविवरण महासचिव जवीन परवीनं न्ह्यब्वयादिल। वातावरण सम्बन्धी अन्तर्क्रिया गोपाल श्रेष्ठं सञ्चालन यानादीगु खःसा महिला हिंसा विरुद्ध अन्तर्क्रिया वेणु गुरुङं न्ह्याकादीगु खः।
सातिकुन्हु जूगु बन्द सत्रं सन् २०१० या लागिं शान्तितारा मानन्धरया अध्यक्षताय् न्हूगु ज्यासना पुचः नीस्वंगु दु। न्हूगु ज्यासना पुचलय् सुमित्रा पलाञ्चोके, सरस्वती श्रेष्ठ व रजनी श्रेष्ठ कार्यकारी उपाध्यक्ष ल्यःगु दु ।
अथेहे महासचिव सरिता प्रधान, कोषाध्यक्ष लुना श्रेष्ठ, सह-सचिव सावित्री ढुगाना, सह-कोषाध्यक्ष पदय् प्रमिला श्रेष्ठ च्वनादीगु दु। नापं उपाध्यक्षपिं आभा श्रेष्ठ, अनिता श्रेष्ठ, अमृता मानन्धर, सुनिता श्रेष्ठ, गीता थापा व पारिजात के.सी. च्वनादीगु दु ।
