पुस ११ या लागिं पत्रकारलिसे सहलह
येँ (सन्ध्या टाइम्स)/थ्वहे वइगु पुस ११ गते यायेत्यंगु नेवाः स्वायत्त राज्य घोषणा ज्याझ्वःयात सञ्चार माध्यमय् गय् यानाः प्रभावकारी रुपं थाय् बिया यंकेगु धइगु विषयय् सहलह यायेत म्हिगः नेवाः स्वायत्त राज्य मंकाः संघर्ष समितिया सञ्चार कवःपाखें थन छगू अन्तर्क्रिया ज्याझ्वः यात ।
ज्याझ्वलय् सञ्चार कवःया कजि नरेशवीर शाक्य, संघर्ष समितिया दुजः मल्ल के. सुन्दर, सुजीव वज्राचार्य लगायत थीथी सञ्चार माध्यमलिसे आवद्ध नेवाः पत्रकारतय्सं थःपिनि बिचाः प्वंकादीगु खः। ज्याझ्वः संघर्ष समितिया नायः नरेन्द्रभक्त हाडाया सभापतित्वय् न्ह्याःगु खः। उगु हे ज्याझ्वलं सञ्चार कवलय् मेपिं सञ्चारकर्मीत तनाः उकियात तःधं नं याःगु दु ।
