कार्यतालिका संशोधनयात विरोध
येँ (सन्ध्या टाइम्स)/संविधानसभा निर्माणया कार्यतालिकाय् न्हय्क्वःगु संशोधन यासें संविधानया मस्यौदायात कयाः सार्वजनिक सुनुवाई यायेगु ई क्वपाःगुलिं मिरेक नांगु संस्थां विरोध याःगु दु। उकिया अध्यक्ष सुरेश आचार्यं थन छगू वक्तव्य पिकासें मस्यौदायात कयाः फयांफछि अप्वः जनतालिसे अन्तर्क्रिया यानाः उकियात मूर्त रुप बीमाःथाय् अथे मयासे थःथःपिं जक जानाः संविधान तयार यायेत्यंगु आभास थुकिं बियाच्वंगु खँ धाःगु दु। संविधानसभाया थज्याःगु ज्यां संविधान निर्माणय् जनसहभागिता म्हो याना बीगु आशंका नं वक्तव्यय् यानातःगु दु ।
