कोइराला व खनाल दथुइ राजनीतिक संयन्त्र निर्माण यायेगु सहमित

नेपाली कांग्रेसया सभापति गिरिजाप्रसाद कोइराला व नेकपा (एमाले)या अध्यक्ष झलनाथ खनाल दथुइ छवाःया दुने उच्चस्तरीय राजनीतिक संयन्त्र गठन यायेगु सहमति जूगु दु ।

बुधवाः सुथय् कोइराला निवास महाराजगंजय् जूगु खँल्हाबंलाय् दलत दथुइ सहमति यानाः उच्चस्तरीय राजनीतिक संयन्त्र निर्माण यायेगु सहमति जूगु खः । अथेहे खँल्हाबंलाय् न्हूगु संविधान निर्माण व शान्ति प्रकृयायात निष्कर्षय् थ्यंकेगु बारे नं सहलह जूगु खः ।

खँल्हाबंलाय् कांग्रेस सभापति कोइरालां शान्तिप्रकृया व संविधान निर्माणया निंतिं राजनीतिक संयन्त्र गठन यायेगु प्रस्ताव तःगु व निम्ह नेतात दथुइ मुलतः थ्वहे विषयलय् सहलह जूगु खँ खँल्हाबंलाय् उपस्थित कांग्रेस नेता कृष्ण सिटौलां कनादिल ।