तिब्बती प्रतिनिधिमण्डल येँय्
चीनया स्वशासित क्षेत्र तिब्बतया कार्यकारी उपप्रमखु हाओ फाङया नेतृत्वय् झिंछम्ह दुजः दुगु प्रतिनिधिमण्डल मंगलवाः येँ थ्यंकूगु दु ।
न्यान्हुन्यंकया नेपाः भ्रमणय् वःगु पुचलं नेपाः व तिब्बत दथुइया राजनीतिक, धार्मिक, सांस्कृति व भौगोलिक सम्बन्धया बारे सहलह याइगु खँ चिनियाँ दुतावासं धाःगु दु । अथेहे पुचलं नेपाःया भूमी छय्ला चीन विरोधी प्रदर्शन जुइमबीत नेपाः सरकारयात इनाप याइगु जूगु दु ।
थ्वहे दथुइ तिब्बती प्रतिनिधिमण्डलं एनेकपा माओवादीया अध्यक्ष पुष्पकमल दाहाल 'प्रचण्ड'यात मंगलवाः नापलानाः खँल्हाबंला याःगु दु । खँल्हाबंलाय् नेपाःलय् जुयाच्वंगु चीन विरोधी प्रर्दशनया बारे खँल्हाबंला जूगु खँ माओवादी विदेश विभाग प्रमुख कृष्णबहादुर महरां कनादिल ।
प्रतिनिमण्डलं प्रधानमन्त्री माधवकुमार नेपाल, उपप्रधान नापं परराष्ट्रमन्त्री सुजाता कोइराला, गृहमन्त्री भीम रावल, स्थानीय विमास मन्त्री पूर्णकुमार शेर्मा नापं कांग्रेस सभापति गिरिजाप्रसाद कोइराला व एमाले अध्यक्ष झलनाथ खनाल नाप नं खँल्हाबंला याइगु ज्याझ्वः दु । उगु पुचःलं बुद्धया जन्मस्थल लुम्बिनी व पोखराया भ्रमण याइगु नं ज्याझ्वः दु ।
