प्रधानमन्त्री बिजुक्छेया छेँय्

प्रधानमन्त्री माधवकुमार नेपालं नेपाल मजदुर किसान पार्टीया अध्यक्ष नारायणमान बिजुक्छेयात नापलानाः बजेट पास यायेत ग्वाहालि यायेत इनाप यानादीगु दु ।

मंगलवाः बिजुक्छेया ख्वपय् च्वंगु छेँय् थ्यंकाः प्रधानमन्त्री नेपालं बजेट पास याकेगु बारे खँल्हाबंला यानादीगु खः । अथेहे निम्ह नेतात दथुइया खँल्हाबंलाय् वर्तमान राजनीतिक गतिरोध अन्त्य, स्वंगू तःधंगू दल नापं चीचींधंगू दल नं दुथ्याकाः उच्च स्तरिय राजनीतिक संयन्त्र गठन यायेगु बारे नं सहलह जूगु खः ।

बैठक लिपाः नेमकिपाया अध्यक्ष बिजुक्छें बजेट पारित यायेगु, स्थानीय निकाय पुनःस्थापना, राजनीतिक गतिरोध अन्त्यया बारे खँल्हाबंला जूगु कनादिल । अथेहे वयेकलं नेमकिपां न्ह्यब्वःगु झिंच्यागू बुँदे मागया बारे नं सहलह जूगु व उकी प्रधानमन्त्री नेपाल सकारात्मक जूगु कनादिल ।