शुल्क विरुद्ध आन्दोलन

येँ (सन्ध्या टाइम्स)/त्रिविं विद्यार्थी शुल्क थकाःगु विरोधय् १६ गू विद्यार्थी संगठनं थनिंनिसें देय्न्यंकंया क्याम्पसय् आन्दोलन शुरु याःगु दु। थुकिया न्हापांगु ज्याझ्वः कथं देय्न्यंकंया क्याम्पसय् हाकुगु ध्वाँय् ब्वयेकेगु, विद्यार्थी संगठनं हे भर्ना फाराम वितरण यायेगु, क्याम्पस प्रमुखया ज्याकुथी घौछि धर्ना बीगु, उपकुलपतिया ज्याकुथी धर्नाया लिसें देय्न्यंकं क्याम्पसय् सभा यायेगु ज्याझ्वः दु ।