कोइराला व प्रचण्ड दथुइ खँल्हाबंला
नेपाली कांग्रेसया सभापति गिरिजाप्रसाद कोइराला व एकीकृत नेकपा (माओवादी)या अध्यक्ष पुष्पकमल दाहाल 'प्रचण्ड' दथुइ उच्चस्तरीय राजनीतिक संयन्त्र गठन यानाः राजनीतिक गतिरोध अन्त्य यायेगु बारे खँल्हाबंला जूगु दु ।
खँल्हाबंला यायेत सोमवाः कोइराला निवास महाराजगंज थ्यंकादिम्ह माओवादी अध्यक्ष प्रचण्डं राजनीतिक संयन्त्र गठन बारे सहलह जूगु धयादिसें याकनं हे राजनीतिक गतिरोध ज्यनीगु धयादिल । वयेकलं थौंया बैठक सिंगापुरया खँल्हाबंलाया निरन्तरता जूगु धयादिल । नापं वयेकल राजनीतिक गतिरोधया समाधान मध्यमार्गी लँपू पाखें मालेगु खँ जूगु धयादिसें थुकीयात सरकार परिवर्तनया खँ नाप स्वाये मज्यूगु धयादिल ।
निम्ह नेतातय् खँल्हाबंलाय् उपस्थित जुयादिम्ह उपप्रधानमन्त्री सुजता कोइरालां खँल्हाबंला सकारात्मक जूगु कनादिल । वयेकलं थ्व खँल्हाबंला नापं शान्ति प्रकृया व संविधान निर्माणं गति काइगु विश्वास प्वंकादिल ।
