लुँमधि द्यःछेँया जीर्णोद्धार न्ह्यात
येँ (सन्ध्या टाइम्स)/येँया तेबाहालय् च्वंगु श्री लुँमधि अजिमा भद्रकालीया प्राचिन द्यःछेँ जीर्णोद्धार याइगु जूगु दु। द्यःछेँ जीर्णोद्धारया निंतिं थौं सुथय् छगू न्यास पुजा व होम याःगु खः। थौं अन न्यास पुजा सहस्राहुति यज्ञ जूगु खःसा कन्हय् गजू पुजा याइगु ग्वसाः दु ।
अथे हे कंस द्यःछेँय् च्वंम्ह द्यः मेथाय् सरे यानाः जीर्णोद्धारया ज्या न्ह्याकी ।
द्यःछेँ जीर्णोद्धारया थ्व ज्या श्री लुँमधि भद्रकाली द्यःछेँ जीर्णोद्धार तथा संरक्षण संस्थाया ग्वसालय् जुयाच्वंगु खः। ग्वसाः खलकं जीर्णोद्धार ज्यायात फुगुचाःगु ग्वाहालि यायेत नं सकसितं इनाप याःगु दु ।
