माओवादी दुने आलोचना
येँ (सन्ध्या टाइम्स)/ एनेकपा (माओवादी) केन्द्रीय समितिया बैठक थौं नं च्वनाच्वंगु दु। थौंया बैठकय् सदन सुचारु यायेगु निर्णय व अन थःपिंसं म्हितेमाःगु भूमिकायात कयाः सहलह जुयाच्वंगु खँ धाःगु दु ।
अथे हे माओवादीं घोषणा याःगु स्वंगूगु चरणया आन्दोलनयात गुकथं प्रभावकारी दयेकेगु धइगु बारे नं सहलह जुयाच्वंगु दु ।
बैठकय् राजनीतिक दलत लिसे वार्ता यायेगु निंतिं माःगु तयारी, पार्टीया महाधिवेशन आदि बारे नं सहलह जुयाच्वंगु दु ।
सीदु कथं माओवादीं निक्वःगु चरणया आन्दोलनय् घोषणा याना तयेधुंकूगु छुं ज्याझ्वःत लित काःगु खँयात कयाः पार्टी दुने आलोचना जूगु दु। माओवादीं घोषणा याना तयेधुंकूगु हवाई उडान बन्द यायेगु व स्वायत्त राज्य घोषणाया ज्याझ्वः दथुइ वयाः लित काःगु खः ।
