दांगय् राजधानी तयेगु प्रस्तावयात समर्थन
येँ (सन्ध्या टाइम्स)/देय्या वर्तमान स्थितियात कयाः नेपाः राष्ट्रिय पार्टीं थौं नेमकिपालिसे खँल्हाबल्हा यात। नेमकिपाया ज्याकू ख्वपय् जूगु उगु खँल्हाबल्हाय् थःगु बिचाः प्वंकुसें उकिया अध्यक्ष नारायणमान बिजुक्छें तःधंगु धाःगु पार्टीया नेतातय्सं नेवाःतय्त गबलें बांलाक मस्वःगु जूगुलिं नेवाःत होशियारीपूर्वक राजनीतिइ कुहां वयेमाः धयादिल। नेमकिपां राजधानी थनं ल्ह्ययाः दांगय् यंकेमाः धकाः तःगु प्रस्तावयात नेपाः पार्टीं समर्थन याःगु दु। सहलहय् नेमकिपापाखें अध्यक्ष रोहित व सचिव सुनिल प्रजापतिं ब्वति कयादीगु खःसा नेपाः पार्टीपाखें अध्यक्ष डा. केशवमान शाक्य, न्वकु डा. रमेश कुमार श्रेष्ठ, न्वकु नरेशवीर शाक्य व मूछ्यांज्ये विजय सैंजुं ब्वति कयादीगु खः ।
