नेपाःया बुद्ध धर्म बारे गोष्ठी
येँ (सन्ध्या टाइम्स)/नेपाःया वज्रयान बुद्ध धर्म व षडक्षरी मन्त्र परम्परा विषययात कयाः कन्हय् येँय् छन्हु न्हिछिया गोष्ठी जुइत्यंगु दु ।
त्रिविविया बुद्धिष्ट स्टडिज व कोरियाया थीथी बौद्ध संस्थात जानाः यायेत्यंगु थुगु गोष्ठीइ नेपाःया नेवाः बुद्ध धर्म नापं कोरिया व विश्वया मेमेगु देशय् षडक्षरी मन्त्र परम्परा गय् यानाः विकसित जुया वल व थौंकन्हय् थुकिया गज्याःगु स्थान दु धइगु विषयय् ज्यापौ न्ह्यब्वइगु ग्वसाः दु। ज्याझ्वलय् नेपाः व कोरियाया थीथी बौद्ध विद्वानतय्सं गुंगू ज्यापौ न्ह्यब्वयादी ।
