माओवादीया अधिवेशन दच्छि लिपा जक जुइगु
एकीकृत नेकपा (माओवादी)या सोमवाः च्वंगु केन्द्रीय कमिटीया बैठकं तयारी मगाःगु धासें पार्टीया महाधिवेशन दच्छिया निंतिं स्थगित यायेगु निर्णय याःगु दु । झिंच्यादँ लिपाः माओवादीया महाधिवेशन थ्वहे वइगु माघ १५ गते जुइत्यंगु खः ।
२०४८ सालय् तत्कालीन एकताकेन्द्र स्थापना याःगु ईलय् पार्टीया महाधिवेशन जुइधुंकाः आःतक माओवादीया महाअधिवेशन जुइमफुनी । २०६२ असोजया चुनवाङ बैठकं दच्छि लिपाः महाधिवेशन यायेगु निर्णय याःसां उगु ईलय् माओवादी शान्ति प्रकृयाय् प्रेवश याःगुलिं महाधिवेशन जुमफुगु खः ।
पार्टीया वंगु असारय् च्वंगु केन्द्रीय कमिटीया बैठकं थ्वहे माघ १५ गते महाधिवेशनया ई क्वछीउगु खःसां पार्टी नागरिक सर्वोच्चताया आन्दोलनय् दुगुलिं सदस्यता लगायतया खँय् तयारी मगाःगु व शान्ति प्रकृयायात निष्कर्षय् थ्यंके माःगुलिं महाधिवेशन दच्छिया निंतिं स्थगित याःगु खँ माओवादीं धाःगु दु ।
