नेवाः लागा क्वःछीत मुँज्या

येँ (सन्ध्या टाइम्स)/नेवाः स्वायत्त राज्यया सीमा क्वःछीगु निंतिं मंकाः अवधारणा दयेकीगु जूगु दु। त्रिशुली खुसिंनिसें दूधकोशी तक नेवाः लागा क्वःछीगु खँ धाःगु दु। थुकी दुने येँ, यल व ख्वप बाहेकया जिल्लाय् छु छु आदिवासी जनजातिया गन गन बाहुल्यता दु उगु उगु लागाय् वहे आदिवासीयात त्वःतेगु सहमति जूगु दु। नेवाः स्वायत्त राज्य मंकाः संघर्ष समितिया ग्वसालय् बुद्धिजीवीतय् मुँज्यां थ्व क्वःछिउगु खः ।