म्हमसिउपिंके न्याना काःगु मोबाइलया दुःख
येँ (सन्ध्या टाइम्स)/म्ह मसिउपिंके न्याना काःगु मोबाइलं गज्याःगु तक समस्या वयेफु धइगु छगू घटना पाल्पाय् जूगु दु। अर्घाखाँचीया शिक्षक भागीरथ खनालयाके लाकाः हयातःगु सिमकार्ड सहितया छगः स्काइ मोबाइल न्याःम्ह रीडी बजाःया होटल व्यवसायी कृष्ण थापायात प्रहरीं ज्वंगु दु। छुं न्हि न्ह्यः न्याम्ह लुटेरातय्सं इन्द्रमणी बञ्जाडे व भागीरथ खनालयात हातपात यानाः उगु मोबाइल लुटे याःगु खःसा लिपा उकियात सतकय् च्वनीम्ह मचा सञ्जिव गाहामगरयाके कृष्ण थापां न्याना काःगु जुयाच्वन ।
