समस्या समाधान यायेत नेपाः हे सक्षम : खनाल
नेकपा (एमाले)या अध्यक्ष झलनाथ खनालं नेपाः दुनेया समस्या समाधान यायेत नेपाः थः हे सक्षम जूगु धयादिसें सहमतिया निंतिं विदेशय् वनाः खँल्हाबंला यायेम्वाःगु खँ धयादीगु दु ।
नेकपा (एमाले) सुनसरी जिल्ला अधिवेशनया उल्लेल्या यायेत शनिवाः विराटनगर थ्यंकादिम्ह अध्यक्ष खनालं पत्रकारत नाप खँल्हाबंला यानादिसें सिंगापुर व हस्तिनापुरय् वनाः वार्ता यायेवं समस्या समाधन मजुइगु धयादिल । वयेकलं नेपाःमित थःगु समस्या थःगु हे भूमिइ समाधान यायेत सक्षम जूगु धयादिल ।
सहमति व सहकार्यया विकल्प मदुगु खँ न्ह्यथंनादिसें वयेकलं माओवादी, कांग्रेस व एमाले दथुइ गम्भीर सहलह जुयाच्वंगुलिं स्वन्हु/प्यन्हुया दुने सहमति जुयाः बजेट पारित जुइगु दाबी यानादिल । वयेकलं सरकार परिवर्तन स्वयां देय्या राजनीतिक समस्या समाधान यायेगु खँ प्रमुख जूगु धयादिसें सरकार परिवर्तनया बारे नं सहलह जुइफुगु धयादिल ।
