बजेट पारित यायेत माओवादीयात सभामुखया इनाप
सभामुख सुवाषचन्द्र नेम्वाङं सदन अवरुद्ध यानाः जनताया सः बन्द मयायेत माओवादीयात इनाप यानादीगु दु । वयेकलं संसदय् जुयाच्वंगु अवरोधया कारणं बजेट पारित मजुया देय् हे ठप्प जुइत्यंगु धयादिसें याकनं सहमति यानाः बजेत पारित यायेत नं माओवादीयात इनाप यानादिल ।
शुक्रवाः इलामया मंगलबारेय् च्वंगु बहुमुखी क्याम्पसया न्हूगु भवनया उल्लेज्या यानादिसें वयेकलं हनिमय् गनं नं बजेट पारित यायेगु ज्याय् अवरोध मजूगु धयादिसें थन नं अवरोध जुइमज्यूगु बिचाः प्वंकादिल । वयेकलं दलतय्सं सहमितया कुतः यानाच्वंगुलिं निन्हु/स्वन्हुया दुने सहमति जुइगु विश्वास प्वंकादिल ।
दलत दथुइ अप्वयाच्वंगु दूरीया कारणं संविधान निर्माणय असर लानाच्वंगु धयादिसें सभामुख नेम्वाङं निर्धारित ईलय् हे संविधान निर्माण जुइगु खँय् ढुक्क जुइत इनाप यानादिल । वयेकलं संविधान निर्माण यायेगु ज्याय् दक्वं दलत छप्पँ जुमाः धयादिसें संविधानसभाया निर्वाचनय् सुनां नं स्पष्ट बहुमत महःगुलं दक्वसिंया भूमित उलि हे दुगु धयादिल ।
