राष्ट्रपति निवासय् प्रधानमन्त्री
येँ (सन्ध्या टाइम्स)/देशय् ब्वलनाच्वंगु राजनीतिक अन्योलयात कयाः प्रधानमन्त्री माधव नेपालं थौं डा. रामवरण यादवयात नापलानाः सहलह यानादिल।
राष्ट्रपति निवास शितल निवासय् जूगु उगु सहलहय् प्रम नेपालं देय्या लिपांगु राजनीतिक अवस्था व सदनय् अलपत्र जुयाच्वंगु बजेट बारे सहलह ब्याकादीगु खः। लिसें राष्ट्रपति यादवयात देय्या समग्र स्थितियात कयाः नं जानकारी याकादीगु खः ।
राष्ट्रपतियात नापलानाः लिहां वयाखतं प्रम नेपालं कोटेश्वरय् च्वंगु थःगु छेँय् वनाः माओवादी अध्यक्ष प्रचण्डयात नापलानादीगु दु ।
प्रम स्रोतं धाः कथं थौं सुथय् जूगु उगु नापलायेगु ज्यां राजनीतिक गतिरोध चीकेगु निंतिं सहमतिया वातावरण दयेकीगु आशा यानातःगु दु। थौं च्वनेत्यंगु शीर्ष नेतातय् बैठकय् नं सहमति कायम जुइफुगु खँ सूत्रं धाःगु दु ।
